حارث رؤف نے ٹی 20 میں اہم اعزاز حاصل کرلیا

بولاوائیو: قومی کرکٹ ٹیم کے فاسٹ بائولر حارث رؤف ٹی 20 میں پاکستان کی جانب سے سب سے زیادہ وکٹیں لینے والے بالربن گئے۔

حارث رؤف نے 76 میچز میں 109 وکٹیں حاصل کیں،انہوں نے یہ اعزاز زمبابوے کیخلاف پہلے ٹی ٹوئنٹی میچ میں حاصل کیا۔

دوسری جانب مین آف دی میچ سفیان مقیم کا کہنا تھا کہ سیریز کا پہلا میچ اہم ہوتا ہے، ہم کامیاب ہوئے،کپتان نے پلان دیا تھا اس پر عمل کیا تو کامیابی ملی،165رنز بہت اچھا ہدف تھا، ہمارے بالرز اچھے تھے۔

ون ڈے سے ہمیں حوصلہ ملا، لیکن وہ الگ ہے ٹی 20 الگ چیز ہے،کپتان نے اعتماد کیا ، جو پلان دیا کوشش کی اس پر ہی عمل کروں۔

ابرار نے اچھا آغاز دیا، بالرز نے اچھی بالنگ کی،جب ہماری وکٹیں گر رہی تھیں تو طیب طاہر اور عرفان نیازی اچھا کھیلے۔