حارث رئوف نے ٹی ٹوئنٹی کرکٹ کا اہم اعزاز اپنے نام کرلیا

قومی ٹیم کے فاسٹ بولر حارث رئوف ٹی20 انٹرنیشنل کرکٹ میں پاکستان کے مشترکہ کامیاب ترین بولر بن گئے۔

ذرائع کے مطابق دورہ آسٹریلیا کے لیڈنگ وکٹ ٹیکر حارث رئوف نے ٹی20 انٹرنیشنل کرکٹ میں پاکستان کے مشترکہ کامیاب ترین بولر بن گئے۔

فاسٹ بولر حارث رئوف نے سڈنی میں کھیلے گئے دوسرے ٹی20 میچ میں 4 اوورز میں 22 رنز دے کر 4 شکار کیے، اس کارکردگی کے بعد وکٹوں کی تعداد بھی شاداب خان کی طرح 107 ہوگئی ہے۔

جس کے بعد لیگ اسپنر شاداب خان اور حارث اب مشترکہ طور پر پاکستان کے کامیاب ترین بولر بن گئے ہیں۔

انہوں نے 72 جبکہ شاداب نے 96 اننگز میں 107 وکٹیں اڑائیں، شاہد آفریدی 96 اننگز میں 97 شکار کرکے تیسرے نمبر پر رہے جبکہ انکے داماد شاہین آفریدی 72 اننگز میں 96 وکٹیں لے چکے ہیں۔

حارث نے آسٹریلیا میں کسی بھی غیر ملکی بولر کی بہترین کارکردگی کا نیا ریکارڈ بھی قائم کردیا، اس سے قبل سری لنکا کے نوان کولاسیکیرا نے 2017 میں گیلگونگ میں 31 رنز دے کر 4 وکٹیں لی تھیں۔