کھلاڑیوں کو پاکستانی ٹیم میں پیسے لے کر کھلائے جانے کا انکشاف

شاہد آفریدی نے پاکستانی کرکٹ میں پائی جانے والی خامیوں کی نشاندہی کرتے ہوئے کہا ہے کہ نوجوان کھلاڑیوں کو ٹیم میں شامل کرنے کے لیے پیسے اور سفارش کا استعمال کیا جاتا ہے۔

میڈیا سے گفتگو میں انہوں نے اس بات پر افسوس کا اظہار کیا کہ باصلاحیت کھلاڑیوں کو نظر انداز کر کے غیر مستحق افراد کو ٹیم میں شامل کیا جاتا ہے۔

آفریدی نے مطالبہ کیا کہ کرکٹ بورڈ کو اس معاملے کا فوری نوٹس لینا چاہیے اور میرٹ کو یقینی بنانا چاہیے۔

شاہد خان آفریدی کا کہنا تھا کہ انڈر-13، انڈر-16 اور انڈر-19 کی سطح پر موجود ریجنز کے پریزیڈنٹ کھلاڑیوں سے پیسے لیکر اور سفارش پر انہیں کھیلنے کا موقع دیتے ہیں تو کہاں سے کرکٹ آگے جائے گی۔

شاہد آفریدی نے سینئر سابق کھلاڑیوں پر زور دیتے ہوئے کہا کہ وہ نئے ٹیلنٹ کو آگے لانے کیلیے اقدامات کریں اور انہیں موقع دیں تب ہی کرکٹ بچ سکے گی۔