کراچی کنگز نے شان ٹیٹ کواہم ذمہ داری سونپ دی

کراچی:  پاکستان سپر لیگ (پی ایس ایل) کی معروف فرنچائز کراچی کنگز نے آسٹریلیا کے سابق فاسٹ بولر شان ٹیٹ کو فاسٹ بولنگ کوچ مقرر کردیا۔

تفصیلات کے مطابق سابق کینگرو فاسٹ بولر شان ٹیٹ کراچی کنگز کے فاسٹ بولنگ کوچ ہونگے، آسٹریلوی اسپیڈسٹر کنگز پیسرز کو ٹرین کریں گے۔

 ٹیم اونر کراچی کنگز سلمان اقبال نے کہا کہ شان ٹیٹ کا جارحانہ بولنگ کا فلسفہ کراچی کنگز کی حکمت عملی سے ہم آہنگ ہے۔ کراچی کنگز کے مالک سلمان اقبال نے مزید کہا کہ مجھے یقین ہے کہ شان ٹیٹ کی کوچنگ میں ہماری بولنگ لائن اپ مزید خطرناک ثابت ہوگی۔

یہ بات قبل ذکر ہے کہ آسٹریلیا کے سابق فاسٹ بولر شان ٹیٹ اس سے قبل افغانستان اور پاکستان کی قومی ٹیموں کے بولنگ کوچ بھی رہ چکے ہیں۔