محمد عامر کو اسٹیڈیم میں موجود شخص نے کیا کہا کہ طیش میں آگئے؟

پاکستان سپر لیگ (پی ایس ایل 9)میں کوئٹہ گلیڈی ایٹرز کے فاسٹ بولر محمد عامر ”فکسر“کہنے پر غصے میں آگئے۔

کراچی میں کوئٹہ گلیڈی ایٹرز اور لاہور قلندرز کے میچ کا اختتام ہوا تو ایک تماشائی نے محمد عامر کو فکسر کہہ کر مخاطب کیا، جس پر محمد عامر طیش میں آگئے۔ 

محمدعامر آگے نکل چکے تھے مگر واپس پلٹ کر آئے اور غصے میں کہا کہ ”گھر سے یہی سیکھ کر آتے ہو“بعدازاں کوئٹہ گلیڈی ایٹرز کے آفیشلز محمد عامر کو انکلوژرز سے دور لے گئے۔

واضح رہے کہ گزشتہ روز کوئٹہ نے لاہور کو آخری گیند پر شکست دی تھی، اس میچ میں لاہور قلندرز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 4 وکٹ پر 166 رنز بنائے تھے۔

167 کے ہدف کے تعاقب میں فاتح ٹیم کی جانب سے سعود شکیل نے ناقابلِ شکست 88 رنز کی اننگز کھیلی۔محمد وسیم جونیئر نے آخری گیند پر لاہور قلندر کے کپتان شاہین آفریدی کو چھکا لگا کر اپنی ٹیم کو فتح دلوادی۔