امریکا سے ذلت آمیز شکست کے بعد پاکستانی بولر پر ٹیمپرنگ کا الزام عائد

امریکا سے بدترین شکست کے بعد پاکستانی بولر پر بال ٹیمپرنگ کا الزام عائد

ڈیلاس میں گزشتہ روز کھیلے گئے میچ میں امریکا کے ہاتھوں اپ سیٹ شکست کے بعد اب پاکستانی بولر پر ٹیمپرنگ کا الزام عائد کردیا گیا۔

امریکی کرکٹر رسٹی تھیرون نے سماجی رابطے پر حارث رؤف پر بال ٹیمپرنگ کا الزام عائد کیا اور کہا کہ میچ کے دوران فاسٹ بولر نے انگلی کے ناخن کا استعمال کرتے ہوئے گیند کے ساتھ چھیڑ چھاڑ کرنے کی کوشش کی۔

رسٹی نے لکھا کہ گیند تبدیل ہونے کے صرف دو اوورز کے بعد ہی سوئنگ کیسے ہونے لگی۔ انہوں نے آئی سی سی سے سوال کیا کہ اس سب کے باوجود کیا ایسا دکھانے کی کوشش ہے کہ بال ٹیمپرنگ نہیں ہوئی؟۔