پہلا ون ڈے: زمبابوے نے پاکستان کو 80 رنز سے شکست دے دی

پاکستان اور زمبابوے کے درمیان تین ایک روزہ میچز کی سیریز کے پہلے ون ڈے میں زمبابوے نے پاکستان کو ڈک ورتھ لوئس میتھڈ پر 80 رنز سے با آسانی ہرادیا۔

پاکستان اور زمبابوے کے درمیان تین ایک روزہ میچز کی سیریز کا پہلا میچ زمبابوے کے شہر بلاوائیو میں کھیلا گیا جس میں میزبان ٹیم نے پاکستان کو جیت کے لیے 206 رنز کا ہدف دیا ۔

پاکستان کی بیٹنگ لائن زمبابوے کے 206 رنز کے ہدف کے تعاقب میں مشکلات کا شکار رہی اور قومی ٹیم کے 6 کھلاڑی 60 رنز پر آئوٹ ہوچکے تھے۔ میچ کے 21اوور مکمل ہوئے تھے کہ بارش کے باعث میچ کو روکنا پڑا اور مسلسل بارش کے باعث میچ ختم کردیا گیا۔

زمبابوے نے پاکستان کوڈک ورتھ لوئس میتھڈ پر 80 رنز سے شکست دے دی۔

اس سے قبل پاکستان نے زمبابوے کے خلاف ٹاس جیت کر بولنگ کا فیصلہ کیا ، پاکستان کی جانب سے فیصل اکرم نے ڈیبیو کیا۔

زمبابوے کی ٹیم 40.2 اوورز میں 205 رنز بناکر آئوٹ ہوگئی، قومی ٹیم کی جانب سے ڈیبیو کرنے والے فیصل اکرم اور سلمان علی آغا نے تین تین کھلاڑیوں کو آئوٹ کیا۔