پاک بھارت میچ سے قبل قومی ٹیم کیلئے بری خبر

آئی سی سی ٹی ٹوئنٹی ورلڈ کپ 2024کے سلسلے میں روایتی حریف بھارت کے خلاف اہم میچ سے قبل قومی ٹیم کے لئے بری خبر سامنے آگئی۔

پاکستان اور بھارت کی کرکٹ ٹیمیں آج نیویارک کے نسا کانٹی کرکٹ اسٹیڈیم میں کروڑوں شائقین کرکٹ کا لہو گرمائیں گی، تاہم میچ سے قبل لیگ اسپنر شاداب خان انجری کا شکار ہوگئے ہیں اور انکی بھارت کیخلاف پلئینگ الیون میں شرکت مشکوک ہے۔

ذرائع کا کہنا ہے کہ شاداب خان پریکٹس سیشن کے دوران دوران کمر درد میں مبتلا ہوگئے تھے۔

ٹیم میں شاداب خان کی جگہ صائم ایوب، اعظم خان کی عماد وسیم جبکہ ایک فاسٹ بولر کو ریسٹ دیکر ابرار احمد کو کھلائے جانے کا قوی امکان ہے۔

میڈیا رپورٹس کے مطابق بھارت کے خلاف پاکستان کی ممکنہ پلئینگ 11 کھلاڑیوں میں کپتان بابراعظم، محمد رضوان، عثمان خان، فخر زمان، افتخار احمد، شاداب خان، عماد وسیم، شاہین آفریدی، حارث رئوف، محمد عامر اور نسیم شاہ شامل ہیں۔

واضح رہے کہ میگا ایونٹ کا اہم معرکہ پاکستانی وقت کے مطابق شام 7:30 بجے شروع ہوگا۔