پاکستان کی ڈیف ٹیم دنیائے کرکٹ کی چیمپئن بن گئی

شارجہ: پاکستان کی ڈیف ٹیم دنیائے کرکٹ کی چیمپئن بننے میں کامیاب ہوگئی۔ 

پاکستان نے سری لنکا کوڈیف آئی سی سی ٹی 20 ورلڈ کپ کے فائنل میں 88 رنز سے شکست دے کر ٹائٹل جیت لیا۔

قومی ٹیم نے پہلے بیٹنگ کرتے ہوئے شارجہ میں کھیلے گئے میچ میں سری لنکا کو 152 رنز کا ہدف دیا جس کے تعاقب میں سری لنکن ٹیم 63 رنز پر آؤٹ ہوگئی۔ 

قومی ٹیم کے کھلاڑیوں نے شاندار فتح پر خوب جشن منایا اور ڈانس بھی کیا۔

یاد رہے کہ 6 سے 12 مارچ تک ڈیف انٹرنیشنل کرکٹ کونسل ٹی ٹوئنٹی ورلڈ کپ شارجہ میں کھیلا گیا جس میں 6 ٹیمیں شامل تھیں۔ 

دوسری جانب ٹی ٹوئنٹی ورلڈ کپ 2024 جیتنے پر چیئرمین پی سی بی محسن نقوی نے پاکستانی ڈیف کرکٹ ٹیم کے کھلاڑیوں کو مبارک باد پیش کی ہے۔