پاکستان میں کرکٹ کے بعد دوسرا کونسا مقبول کھیل بننے جارہا ہے؟

پاکستان ٹینس فیڈریشن کے صدر اعصام الحق قریشی نے کرکٹ کے بعد پاکستان میں ٹینس کو دوسرا مقبول ترین کھیل بنانے کے عزم کا اظہار کیا ہے۔

اسلام آباد میں میڈیا سے گفتگو کرتےہوے ٹینس اسٹار اعصام الحق نے کہاکہ پاکستان ٹیم کی ڈیوس کپ تیاری کیلیے ترکی میں ٹریننگ کیمپ لگے گا، جونیٸر ٹیم ڈیوس کپ جبکہ سینٸرز  نے ترکی میں پاکستان کے لیے گولڈ میڈل جیتا۔

اعصام الحق نے کہ 26مارچ تک کھیلے جانیوالے سرینا ٹینس ماسٹر کپ میں ٹاپ ایٹ پلیئرز لیڈیز، مینز، اور ڈبلز کیٹگری میں مقابل ہونگے جس میں مجموعی طور پر دس لاکھ کے انعامات تقسیم ہونگے۔

انہوں نے کہا کہ پاکستان میں ٹینس کا کھیل مقبول ہورہا ہے اور نوجوانوں کا رجحان بھی اس کی جانب بڑھ رہا ہے، ہم پاکستان میں دوسرا مقبول کھیل ٹینس کو بنائیں گے۔