پاکستان اور بھارتی کرکٹرز ایک مرتبہ پھر آمنے سامنے ۔۔

کراچی : انگلینڈ کے شہر برمنگھم کے ابجسٹن گراونڈ پر 3 سے 13 جولائی سے کھیلی جانے والی ورلڈ چیمپینز آف لیجنڈز کرکٹ لیگ میں انگلینڈ، آسٹریلیا، ویسٹ انڈیز، جنوبی افریقہ، بھارت اور پاکستان کی ٹیمیں شرکت کریں گی۔

  انگلینڈ کرکٹ بورڈ سے منظور شدہ اپنی نوعیت کی پہلی لیجنڈ لیگ میں دنیا کے معروف سینیئر کرکٹرز شرکت کررہے ہیں،جن میں بریڈ لی، کیون پیٹرسن، جیکوئس کیلز، یوراج سنگھ اور ہر بجن سنگھ  و دیگر شامل ہیں۔

لیگ میں پاکستان چیمپینز ٹیم  کی قیادت سابق ٹیسٹ کپتان  اور ورلڈ کپ ٹی ٹونٹی چیمپیئن کپتان یونس خان کریں گے جبکہ ٹیم میں شاہد خان آفریدی سمیت دیگر معروف کرکٹرز شامل ہوں گے۔

 لیگ کی پاکستان چیمپینز ٹیم کے ساتھ معاہدے کی تقریب مقامی ہوٹل میں منعقد ہوئی، لیگ کی جانب سے کامل خان اور ٹیم کی طرف سے شاہد آفریدی اور یونس خان نے دستخط کیے، تقریب میں کیک بھی کاٹا گیا۔

 دریں اثنا کامل خان نے کہا کہ ائی سی سی کا ایونٹ  ہونے کے ماطے لیگ میں اینٹی کرپشن پوری طرح سے مستعد ہوگی جبکہ پاکستان بھارت کے تماشائیوں کو کنٹرول کرنے کے لیے بھی اقدامات کیے جائیں گے۔

 لیگ میں سینٹرل کانٹریکٹ والے کھلاڑی این او سی ملنے پر شرکت کر سکتے ہیں تاہم ایسے کھلاڑیوں کے لیے لیگ بہترین آپشن ہے جن کو کرکٹ کھیلنے کے مواقع نہیں مل پاتے۔