پی ایس ایل 10 کے ٹکٹوں کی فروخت کا آغاز

لاہور: ملک میں ایچ بی ایل پی ایس ایل 10 کے ٹکٹوں کی فروخت شروع ہوگئی ہے۔

پاکستان کرکٹ بورڈ کا اپنے بیان میں کہنا ہے کہ پی ایس ایل 10کے ٹکٹ آن لائن دستیاب ہیں جبکہ 7اپریل سے نجی کورئیر سینٹرز پرٹکٹ دستیاب ہوں گے۔

 پاکستان کرکٹ بورڈ ( پی سی بی) کا کہنا ہے کہ ہر میچ میں ٹکٹ ریفل بھی ہوگا جس میں شائقین کو انعامات دیے جائیں گے۔

خیال رہے کہ ایچ بی ایل پی ایس ایل 10 کا آغاز 11 اپریل کو ہوگا،6 ٹیموں پر مشتمل یہ ایونٹ کراچی، لاہور، ملتان اور راولپنڈی میں کھیلا جائے گا۔

پی ایس ایل 10 کا فائنل18 مئی کو قذافی اسٹیڈیم لاہور میں ہوگا۔