راولپنڈی اسٹیڈیم میں پی ایس ایل 10 کی رنگا رنگ افتتاحی تقریب

ایچ بی ایل پاکستان سپر لیگ (پی ایس ایل 10) کی راولپنڈی اسٹیڈیم میں رنگا رنگ افتتاحی تقریب منعقد ہوئی۔

ایچ بی ایل پاکستان سپر لیگ (پی ایس ایل10) کی افتتاحی تقریب کا آغاز قومی ترانے سے کیا گیا اور افتتاحی تقریب میں پی ایس ایل 10 کی ٹرافی کو اسٹیج پر لایا گیا۔

عالمی شہرت یافتہ گلوکارہ عابدہ پروین نے افتتاحی تقریب میں نے صوفیانہ کلام پیش کیا اور گلوکار علی ظفر نے تقریب میں شاندار پرفارمنس پیش کی۔

گلوکارہ نتاشابیگ، علی ظفر، ابرارالحق اور طلحہ انجم نے پی ایس ایل10کا ترانہ پیش کیا۔ اس کے علاوہ ینگ اسٹنرز کی بھی پرفارمنس شاندار رہی۔

پی ایس ایل 10کی افتتاحی تقریب میں شاندار آتش بازی کا مظاہرہ بھی کیا گیا۔