روزے کا احترام، مسلمان کھلاڑی کے افطار کیلیے فٹبال میچ روک دیا گیا، خوبصورت ویڈیو دیکھیں

فٹبال میچ کے دوران روزے کے احترام میں نہ صرف کھیل کو روکا گیا بلکہ مسلمان کھلاڑی کے ساتھ ساتھیوں نے اظہار یکجہتی بھی کیا۔

تفصیلات کے مطابق مانچسٹر یونائیٹیڈ اور آرسنل کے مابین پریمیئر لیگ کے میچ میں مانچسٹر یونائیٹڈ کے کھلاڑی نُصیر مزراوی نے روزہ رکھا ہوا تھا۔

میچ کے دوران افطاری کا وقت ہوا تو کھیل کو روکا گیا اور پھر اس دوران نصیر مزراوی نے افطار کیا۔ 

نصیر مزراوی کے ساتھ ساتھی کھلاڑیوں نے بھی افطار کیا اور اُن کے ساتھ یکجہتی کا اظہار کیا۔ اس منظر کی ویڈیو سامنے آنے پر صارفین نے انتظامیہ کے اقدام کو سراہا ہے۔

واضح رہے کہ دنیا بھر میں مسلمان رمضان المبارک کے مقدس مہینے میں طلوع آفتاب سے غروب آفتاب تک بھوکے پیاسے رہ کر روزے رکھتے اور رب کی خوشنودی حاصل کرنے کی کوشش کرتے ہیں۔