سعودی عرب اور پاکستانی ویمنز ٹیموں کے درمیان کانٹے دار مقابلہ

دوحا میں فیفا ویمنز انٹرنیشنل فرینڈلی میچ میں پاکستان اور سعودی عرب کا مقابلہ ایک ایک گول سے برابر رہا۔

تفصیلات کے مطابق دوحا کے اسپائر زون اسٹیڈیم  میں  پاکستان اور سعودی عرب کے درمیان فیفا ویمنز انٹرنیشنل فرینڈلی میچ میں دونوں ٹیموں نے شاندار کھیل پیش کیا۔

پہلے ہاف میں سعودی عرب کی تاله الغامدي نے 39 ویں منٹ میں گول کرکے اپنی ٹیم کو سبقت دلائی، پاکستانی کھلاڑیوں نے گول برانر کرنے کے لیے کئی کوششیں کیں. مگر حریف ٹیم نے بال کو گول پوسٹ میں نہیں جانے دیا۔

کھیل ختم ہونے سے دو منٹ پہلے پاکستان کی جانب سے سوہا ہیرانی نے کارنر کک سے گول کرکے اسکور برابر کیا۔

گراونڈ میں موجود پاکستانی تماشائیوں نے کھلاڑیوں کو عمدہ کھیل پر بھر پور حوصلہ افزائی کی۔ پاکستان زندہ باد کے نعرے بھی لگائے۔