شعیب اختر نے بمراہ کو اہم مشورہ دے دیا؟

پاکستان کے سابق فاسٹ بولر راولپنڈی ایکسپریس شعیب اختر نے بھارتی فاسٹ بولر جسمپریت بمراہ کو اہم مشورہ دیتے ہوئے کہا ہے کہ اگر اپنے کیریئر کو طویل کرنا چاہتے ہیں تو انہیں ٹیسٹ کرکٹ کے مقابلے میں محدود اوور کی کرکٹ کو فوقیت دینے کی ضرورت ہے۔

شعیب اختر کا ایک انٹرویو میں کہنا تھا کہ جسمپریت بمراہ کی لائن و لینتھ اچھی ہے لیکن ٹیسٹ کرکٹ میں طویل اسپیل ہوتے ہیں اور  وکٹیں لینے کے لیے آپ کو اسپیڈ کی ضرورت ہوتی ہے کیونکہ بلے باز کو جلدی نہیں ہوتی اور وہ رسک نہیں لیتا۔

 شعیب اختر کا یہ بھی کہنا تھا کہ بمراہ دنیائے کرکٹ کا اثاثہ ہے اور ہمیں اس کی حفاظت کرنی چاہیے۔

راولپنڈی ایکسپریس کا کہنا تھا کہ مجھے خوشی ہوگی اگر بمراہ زیادہ کرکٹ سے پرہیز کرے، بمراہ کو خود کو دیکھنا ہوگا کیونکہ اس نے تمام فارمیٹس کے ساتھ آئی پی ایل بھی کھیلنا ہے۔

شعیب اختر نے کہا کہ بمراہ کو ٹیسٹ کھیلنا ہے تو  وکٹیں لینے کے لیے اسپیڈ بڑھانے اور برقرار رکھنے کی ضرورت ہوگی لیکن اس میں انجری کا خدشہ بھی بڑھ جاتا ہے، اگر میں بمراہ کی جگہ ہوتا تو خود کو  وائٹ بال کرکٹ تک محدود کرتا۔