شعیب اختر ٹی 20 کی ٹرافی کے ہمراہ قذافی اسٹیڈیم میں جلوہ گر

ٹی20 ورلڈکپ ٹرافی کی نیشنل کرکٹ اکیڈمی میں رونمائی کردی، شعیب اختر نے رکشے میں ٹرافی کے ہمراہ قذافی اسٹیڈیم کا چکر لگایا۔

تفصیلات کے مطابق پاکستان اور نیوزی لینڈ کے درمیان پانچویں ٹی 20 میچ کے دوران اننگز بریک میں ٹرافی کو قذافی اسٹیڈیم کی سیر کرانے کیلیے سابق اسپیڈ اسٹار شعیب اختر موجود تھے۔

 انھوں نے آٹو رکشہ پر چمچماتی ٹرافی کے ساتھ اسٹیڈیم کا چکر لگایا، تماشائیوں نے اس کا بھرپور استقبال کیا۔

اس سے پہلے ٹرافی نے اسلام آباد اور ایبٹ آباد گئی تھی۔ آئی سی سی مینز ٹی ٹوئنٹی ورلڈکپ یکم جون سے شروع ہوگا، امریکا اور ویسٹ انڈیز مشترکہ میزبان ہیں۔