شین واٹسن کو قومی ٹیم کا ہیڈ کوچ بنائے جانے کا امکان

سابق آسٹریلوی کرکٹر شین واٹسن کو قومی کرکٹ ٹیم کے ساتھ ہیڈ کوچ کی ذمہ داریاں دیئے جانے کا امکان ہے۔ 

شین واٹسن اس وقت پاکستان سپر لیگ میں کوئٹہ گلیڈی ایٹر کے ساتھ بطور ہیڈ کوچ امور انجام دے رہے ہیں، آسٹریلین آل راونڈر شین واٹسن نے 2016میں انٹرنیشنل کرکٹ کو خیرباد کہہ دیا تھا۔ 

شین واٹس نے 59 ٹیسٹ، 190 ون ڈے انٹرنیشنل اور 58 ٹی ٹوئنٹی انٹرنیشنل میچز میں آسٹریلیا کی نمائندگی کی، کرکٹ کو خیرباد کہنے کے بعد شین واٹس کا بطور ہیڈ کوچ کوئٹہ گلیڈی ایٹر سے پہلا معاہدہ ہوا۔

ذرائع کے مطابق پاکستان کرکٹ بورڈ حکام کی شین واٹسن سے قومی ٹیم کی کوچنگ کے لیے بات چیت جاری ہے، معاملات طے پانے کے بعد شین واٹسن کی ملاقات چیئرمین پی سی بی محسن نقوی سے بھی کرائی جائے گی۔