سپر ایٹ مرحلہ، پاکستان اور نیوزی لینڈ کا میچ بارش کے باعث منسوخ

پاکستان اور نیوزی لینڈ کے درمیان سپر ایٹ مرحلے کا اہم میچ بارش کے باعث منسوخ کردیا گیا۔

تفصیلات کے مطابق پاکستان اور نیوزی لینڈ کی ٹیمیں سپر ایٹ کے میچ میں کولمبو کے اسٹیڈیم میں مدمقابل تھیں۔ جس میں ٹاس کے بعد پاکستان نے پہلے بیٹنگ کا فیصلہ کیا۔

ٹاس کے بعد بارش ہونے کی وجہ سے پچ کو کور سے ڈھانپ دیا گیا اور میچ شروع نہ ہوسکا، تھوڑی دیر انتظار کے بعد میچ ریفری نے صورت حال کا جائزہ لینے کے بعد مقابلہ منسوخ کرنے کا اعلان کردیا۔

میچ کے رُکنے کے بعد دونوں ٹیموں کو ایک ایک پوائنٹ دے دیا گیا، جس سے پوائنٹس ٹیبل پر دونوں ٹیموں کو فائدہ ہوگا۔