ٹرمپ کا فیفا ورلڈکپ 2026 کی قرعہ اندازی کرنے کا اعلان

امریکی صدر ڈونلڈ ٹرمپ نے اعلان کیا ہے کہ 2026 میں ہونے والے فیفا ورلڈ کپ کی قرعہ اندازی اس سال دسمبر میں واشنگٹن کے کینیڈی سینٹر میں منعقد ہوگی۔

اس ٹورنامنٹ کی مشترکہ میزبانی امریکا، کینیڈا اور میکسیکو کریں گے۔

صدر ٹرمپ نے اس ایونٹ کو کھیلوں کی تاریخ کا سب سے بڑا ایونٹ قرار دیا۔ وائٹ ہاؤس میں فیفا کے صدر جیانی انفانٹینو بھی اس موقع پر موجود تھے۔

جیانی انفانٹینو نے بتایا کہ اس ورلڈ کپ میں 48 ٹیمیں حصہ لیں گی اور مجموعی طور پر 104 میچز کھیلے جائیں گے۔

اس ایونٹ کے لیے 48 ٹیموں کو 12 گروپس میں تقسیم کیا جائے گا، جس میں ہر گروپ میں 4 ٹیمیں شامل ہوں گی۔