ٹی 20 ورلڈکپ ، امریکا نے پاکستان کو سپر اوور میں شکست دیدی

آئی سی سی ٹی 20 ورلڈکپ کے پہلے میچ میں پاکستان اور امریکا کا میچ سنسنسی خیز مقابلے کے بعد برابر ہونے کے بعد فیصلہ سپر اوور پر منتقل ہوگیا،امریکا نے سپر اوور میں 18رنز اسکور کئے، جبکہ پاکستان ہدف کا تعاقب نہ کرسکا۔

ڈیلاس میں کھیلے گئے میچ میں پاکستان نے امریکا کو جیت کیلیے 160 رنزکا ہدف دیا۔ جس کے جواب میں امریکا کی ٹیم نے شاندار بیٹنگ کی ۔

 پاکستان نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 160 رنز بنائے تھے۔

بابر اعظم 44 اور شاداب خان چالیس رنز کے ساتھ نمایاں بلے باز رہے تھے۔امریکا کے نوتھوش کینجیگے  نے تین جبکہ سوربھ نیتراولکر نے دو کھلاڑیوں کو آئوٹ کیا،  علی خان اور جسدیپ سنگھ نے ایک ایک شکار بنایا۔

ہدف کے تعاقب میں امریکی بلے بازوں نے شاندار بیٹنگ کی، مونک پٹیل نے نصف سنچری اسکور کی جبکہ اینڈریس نے 35 رنز بنائے۔

ایرون جونس 36 اور نتیش کمار 14 رنز کے ساتھ ناٹ آٹ رہے۔آخری اوور میں امریکا کو جیت کیلیے 15 رنز درکار تھے اور آخری بال پر جیت کیلیے پانچ رنز بنانے تھے تاہم جونس نے آخری گیند پر چوکا لگا کر میچ برابر کردیا۔