ٹیسٹ پلیئرز کی نئی رینکنگ جاری ، پہلے نمبر پر کون رہا؟

انٹرنیشنل کرکٹ کونسل (آئی سی سی)کی جانب سے ٹیسٹ پلیئرزکی نئی رینکنگ جاری کردی گئی ہے۔

انگلینڈ کے جو روٹ کی آئی سی سی ٹیسٹ پلئیرز رینکنگ میں حکمرانی ختم ہوگئی جس کے بعد انگلش بیٹر ہیری بروک دنیا کے نمبر ون ٹیسٹ بیٹر بن گئے۔

جو روٹ ٹیسٹ بیٹرز کی رینکنگ میں دوسرے نمبر پر چلے گئے جبکہ نیوزی لینڈ کے کین ولیم سن کا تیسرے نمبر پر براجمان ہیں۔

آسٹریلیا کے ٹریوس ہیڈ نے 6 درجے ترقی کرکے بڑی چھلانگ لگائی ہے، جبکہ پاکستان کے سعود شکیل ٹاپ 10 میں شامل ہیں۔ بابر اعظم 19 ویں سے 18 ویں نمبر پر پہنچ گئے ہیں۔

ٹیسٹ بولرز کی رینکنگ میں بھارت کے جسپریت بمرا کی پہلی اور جنوبی افریقا کے رباڈا کی دوسری پوزیشن ہے۔آسٹریلیا کے جوش ہیزل ووڈ تیسرے نمبر پر ہیں۔