عمان کی آئل، تیل اور گیس تنصیبات پر حملوں کی مذمت

عمان نے خلیجی ممالک میں توانائی کے اہم مراکز پر ہونے والے حالیہ حملوں کی مذمت کرتے ہوئے کہا ہے کہ ایسے اقدامات خطے کے امن اور عالمی توانائی سپلائی کے لیے خطرہ ہیں۔

عمان کی وزارت خارجہ کی جانب سے سوشل میڈیا پلیٹ فارم X پر جاری بیان میں زور دیا گیا کہ بین الاقوامی قوانین کا احترام کیا جائے اور شہری تنصیبات کو نشانہ بنانے سے گریز کیا جائے۔

یہ ردعمل اس وقت سامنے آیا جب ایران کی جانب سے قطر کے صنعتی علاقے راس لفان پر حملے کی خبریں سامنے آئیں، جس کے بعد خطے میں کشیدگی مزید بڑھ گئی۔

ادھر متحدہ عرب امارات میں حبشان گیس فیلڈ سمیت بعض تنصیبات کو احتیاطاً بند کر دیا گیا، جبکہ سعودی عرب نے دعویٰ کیا ہے کہ اس نے اپنے مشرقی علاقوں اور دارالحکومت ریاض میں ممکنہ حملوں کو ناکام بنا دیا۔

عمان نے اپنے بیان میں کہا کہ خطے میں بڑھتی ہوئی کشیدگی کو کم کرنے کے لیے فوری اقدامات ضروری ہیں تاکہ مزید نقصان اور عدم استحکام سے بچا جا سکے۔