آئرلینڈ میں پہلی بار فلسطینی سفیر کی تقرری

آئرلینڈ نے فلسطین کو ریاست تسلیم کرنے کے بعد تاریخ میں پہلی بار فلسطینی سفیر کی تقرری کی منظوری دے دی ہے۔

رپورٹس کے مطابق سینئر وزراء نے تصدیق کی کہ جیلان وہبہ عبدالمجید آئرلینڈ میں فلسطین کی سفیر ہوں گی اور وہ اپنے ہیڈ آف مشن کے طور پر موجودہ عہدے سے سبکدوش ہو جائیں گی۔

اس سے قبل آئرلینڈ کے دارالحکومت ڈبلن میں فلسطینی مشن کو سفارتخانے کا درجہ دیا گیا تھا۔

واضح رہے کہ اسرائیلی بربریت کے بعد رواں سال کے شروع میں آئرلینڈ نے فلسطینی ریاست کو باضابطہ طور پر تسلیم کیا، جس کے بعد دونوں ممالک میں ستمبر میں رانی سفارتی تعلقات قائم ہوئے۔

واضح رہے کہ اسپین اور ناروے بھی فلسطینی ریاست کو تسلیم کرچکے ہیں۔