بھارت میں سورج سوا نیزے پر آگیا، 2 روز میں 52 شہری ہلاک

بھارتی دارالحکومت نئی دہلی میں سورج سوا نیزے پر آگیا اور  ہیٹ ویوکے گزشتہ تمام ریکارڈز ٹوٹ گئے۔

بھارتی میڈیا کی رپورٹ کے مطابق دارالحکومت نئی دہلی میں ہیٹ ویو کے باعث 2 روز میں 52 اموات ہوئیں جب کہ 11 سے 19 جون کے دوران ہیٹ ویو سے نئی دہلی میں 192 بے گھر افراد ہلاک ہوئے۔

موسم گرما کے دوران ہیٹ ویو کے چالیس ہزار کیسز رپورٹ ہوئے جبکہ مارچ سے 18 جون تک 110 شہریوں کی ہلاکت ہوئی۔

بھارتی میڈیا رپورٹس کے مطابق محکمہ موسمیات نے رواں  ماہ معمول سے کئی گنا زیادہ درجہ حرارت ہونے کی پیشگوئی کی ہے جب کہ نئی دہلی میں  بدھ کو 50 سال سے زیادہ کی گرم ترین رات تھی۔