برطانوی ارب پتی اور بیٹی سمندر میں ڈوب کر ہلاک، لاشیں کئی روز بعد ریسکیو

اٹلی کے ساحل پر کشتی حادثے میں ڈوبنے والے مسافروں میں سے 2 کی لاشیں مل گئیں، ان میں سے ایک برطانیہ کے ٹیک ٹائیکون مائیک لنچ اور دوسری ان کی بیٹی کی ہے۔

برطانوی میڈیا کے مطابق ڈوبنے والی کشتی میں 2 اور لاشوں کے موجود ہونے کی نشاندہی ہوئی ہے جبکہ باقی دو لاپتہ افراد کی تلاش جاری ہے۔ لاپتہ افراد میں برطانوی مالیاتی کمپنی مورگن اسٹینلے انٹرنیشنل کا چیئرمین، امریکی وکیل اور ان کی بیویاں شامل ہیں۔

سسلی کے ساحلی علاقے میں لگژری یاچ ڈوبنے کا حادثہ پیر کو ہوا تھا، حادثے میں ایک شخص ہلاک اور 6 لاپتہ ہوئے تھے جبکہ 15 کو بچالیا گیا تھا۔