چھپن چھپائی کھیل کے دوران فریزر میں چھپنے والے چار بچے دم گھٹنے سے جاں بحق

نمیبیا میں کھیل کے دوران فریزر میں چھپنے والے چار کمسن بچے جاں بحق ہوگئے۔

پولیس نے منگل کو بتایا کہ شمال مشرقی نمیبیا میں چھپن چھپائی کھیلنے کے دوران ناکارہ فریزر میں چار بچے چھپے جو اندر پھنس گئے اور پھر چاروں وہیں پر ہلاک ہوگئے۔

زمبیزی کے علاقائی پولیس کمانڈر اینڈریاس شیلو نے اے ایف پی کو بتایا کہ بچوں کی عمریں تین سے 6 سال کے درمیان تھیں۔ جو فریزر میں اندر داخل ہوئے اور پھر اسے بند کرلیا، فریزر کے دروازے میں موجود ہک ایک جگہ پھنس گیا جسے صرف باہر سے کھولا جاسکتا تھا پھر اس دوران چاروں بچے دم گھٹنے سے جاں بحق ہوگئے۔

صوبائی پولیس سربراہ نے کہا کہ دو بچے فریزر کے اندر ہی دم توڑ گئے جبکہ دیگر دو "مشکل ہوش میں پائے گئے لیکن جب وہ اسپتال پہنچے تو انہیں مردہ قرار دے دیا گیا"۔ بچوں میں سے ایک کی والدہ نے یہ لرزہ خیز انکشاف اس وقت کیا جب وہ اپنے بیٹے کی کال کا جواب نہ دینے کے بعد اسے ڈھونڈنے گئی تھی۔