فوجی طیارہ گر کر تباہ، تمام اہلکار ہلاک

سوڈان کے دارالحکومت خرطوم کے نزدیک ایک فوجی طیارہ گر کر تباہ ہوگیا، جس کے نتیجے میں عملے سمیت تمام فوجی اہلکار جاں بحق ہوگئے۔

 فرانسیسی خبر رساں ایجنسی کے مطابق، یہ واقعہ منگل کو پیش آیا جب سوڈانی فوجی طیارہ تکنیکی خرابی کے باعث گر کر تباہ ہوگیا۔ 

سوڈانی فوجی ذرائع نے طیارے میں سوار تمام اہلکاروں کی ہلاکت کی تصدیق کی ہے۔

ابھی تک حادثے میں ہلاک ہونے والے فوجی اہلکاروں کی اصل تعداد کے بارے میں کوئی واضح معلومات سامنے نہیں آئی ہیں۔ 

حکام نے حادثے کی تحقیقات شروع کر دی ہیں تاکہ طیارے کے گرنے کی اصل وجوہات کا تعین کیا جا سکے۔