جعفر ایکسپریس حملہ، اقوام متحدہ کا ردعمل سامنے آگیا

جعفر ایکسپریس پر حملے اور مسافروں کو یرغمال بنائے جانے کے بعد اقوام متحدہ کی جانب سے بھی بیان جاری کردیا گیا۔

جعفر ایکسپریس ٹرین پر حملے اور مسافروں کو یرغمال بنانے کی اقوام متحدہ کی طرف سے مذمت کی گئی ہے۔

اعلامیے میں سیکریٹری جنرل اقوام متحدہ نے کہا کہ ہم یرغمال بنائے جانے کے ہر عمل کی مذمت کرتے ہیں، صورتحال پر نظر رکھی جارہی ہے ۔ 

واضح رہے کہ بولان کی 8 نمبر سرنگ میں مسلح افراد نے گزشتہ روز جعفر ایکسپریس پر حملہ کر کے 500 مسافروں کو یرغمال بنایا ہو ہے۔

واقعے کے بعد سے سیکیورٹی فورسز کا زمینی اور فضائی آپریشن گزشتہ 24 گھنٹوں سے جاری ہے اور اس دوران 190 مسافروں کو بازیاب کروایا گیا ہے جبکہ 30 دہشت گرد کلیئرنس آپریشن میں ہلاک کرنے کا دعوی کیا گیا ہے۔