لارڈز کرکٹ اسٹیڈیم میں دعوت افطار، فضا اذان کی آواز سے گونج اٹھی

لارڈز کرکٹ گراؤنڈ میں رمضان کے مقدس مہینے میں اوپن افطار تقریب کا میزبان بنا۔ 

اس تقریب میں شرکت کرنے والے سیکڑوں افراد کو روزے کی اہمیت اور اسلام کی تعلیمات سے آگاہ کیا گیا۔  

مغرب کی اذان کے وقت، غیر مسلم شرکاء نے بھی کھجوروں کے ساتھ روزہ افطار کیا۔ 

رمضان ٹینٹ پروجیکٹ کے بانی اور سی ای او عمر سلہا نے کہا کہ اوپن افطار کا مقصد مختلف ثقافتوں اور برادریوں کو ایک ساتھ لانا ہے۔  

انہوں نے کنگ چارلس کا شکریہ ادا کیا جنہوں نے ونڈسر کاسل میں افطار کی میزبانی کی اجازت دی۔ عمر سلہا نے کہا کہ برطانیہ کا متنوع معاشرہ فخر کی بات ہے، اور ایسے اقدامات اتحاد اور باہمی تفہیم کو فروغ دیتے ہیں۔  

یہ تقریب نہ صرف مذہبی ہم آہنگی کو اجاگر کرتی ہے بلکہ برطانیہ کے کثیرالثقافتی معاشرے کی خوبصورتی کو بھی ظاہر کرتی ہے۔