من گھڑت جنسی تصاویر سے دنیا بھر کی خواتین سیاستدانوں کو شدید خطرات لاحق

واشنگٹن: محققین کے مطابق امریکہ سے لے کر اٹلی تک، برطانیہ اور پاکستان میں بھی خواتین سیاست دان مصنوعی ذہانت سے پیدا ہونے والی جنسی یا فحش تصاویر کا تیزی سے شکار ہو رہی ہیں۔

 یہ ایک پریشان کن رجحان ہے جس سے عوامی زندگی میں خواتین کی شرکت کو خطرہ لاحق ہوگیا ہے۔

میڈیارپورٹس کے مطابق ماہرین کا خیال ہے کہ ہدف بنائے گئے لوگوں کی رضامندی کے بغیر شائع ہونے والے مواد کے ذریعے جعلی مواد میں یہ نمایاں اضافہ عالمی سطح پر مصنوعی ذہانت کو منظم کرنے کی کوششوں کو ناکام بناتا ہے۔

 اس صورت حال میں کم لاگت والے مصنوعی ذہانت کے ٹولز، خاص طور پر فون پر فوٹو ایڈیٹنگ ایپلی کیشنز کے ذریعے صارفین کو خواتین کی جعلی تصاویر بنانے کی اجازت مل جاتی ہے۔

محققین کے مطابق ان تصاویر کو حقیقی ہتھیاروں کے طور پر استعمال کیا جاتا ہے جس کا مقصد عوامی حلقوں میں خواتین کی ساکھ کو نقصان پہنچانا ہوتا ہے۔

 ان خواتین کے کیریئر کو نقصان پہنچانا، عوامی اعتماد کو مجروح کرنا اور بلیک میلنگ اور ہراساں کرنے کے مقاصد بھی ہوتے ہیں۔ ڈیپ فیک تصاویر اور ویڈیوز قومی سلامتی کو بھی خطرہ لاحق کیا جا سکتا ہے۔

امریکہ میں امریکن سن لائٹ پروجیکٹ (اے ایس پی)ایک تحقیقی گروپ ہے جو غلط معلومات کا پتہ لگانے کے شعبے میں مہارت رکھتا ہے نے فحش ویب سائٹس پر امریکی کانگریس کے 26 ارکان ، جن میں سے 25 خواتین ہیں، کو نشانہ بنانے والے ڈیپ فیک آپریشنز کے 35 ہزار سے زیادہ کیسز کی نشاندہی کی ہے۔

یہ اعداد و شمار ان محققین کے لیے ایک تاریک اور پریشان کن حقیقت کی عکاسی کر رہے ہیں۔ پچھلے مہینے کیے گئے اس مطالعے سے پتہ چلتا ہے کہ کانگریس کے لیے منتخب ہونے والی خواتین کا چھٹا حصہ مصنوعی ذہانت سے تیار کی گئی ایسی تصاویر کا شکار تھا۔

 اے ایس پی گروپ کی صدر نینا ینکووچ نے خبردار کیا کہ کانگریس کی خواتین ارکان کو اے آئی پر مبنی ڈیپ فیک ٹیکنالوجی کے ذریعے پورنوگرافی جیسی خطرناک حد تک نشانہ بنایا جا رہا ہے۔

انہوں نے زور دے کر کہا کہ یہ صرف ٹیکنالوجی کے بارے میں نہیں ہے بلکہ یہ طاقت رکھنے والی خواتین کے خلاف اور خود جمہوریت کے خلاف بھی حملہ ہے۔

اے ایس پی نے مزید دلچسپی پیدا کرنے اور ایسے مواد کی تلاش سے بچنے کے لیے زیر بحث تصاویر میں نشانہ بننے والی کانگریسی خواتین کے نام شائع نہیں کیے۔

 برطانیہ میں نائب وزیر اعظم انجیلا رینر کم از کم 30 برطانوی سیاسی شخصیات میں سے ایک ہیں جنہیں ڈیپ فیک پورن شائع کرنے والی سائٹ کے ذریعے نشانہ بنایا گیا ہے۔