مودی کی مسلمانوں کو عید الاضحی کی مبارک باد

نئی دہلی: بھارتی وزیراعظم نریندر مودی نے عالم اسلام اور بالخصوص بھارتی مسلمانوں کو عید الاضحی کی مبارک باد پیش کی ہے۔

مائیکرو بلاگنگ ویب سائٹ ایکس پر بھارتی وزیراعظم نریندر مودی نے اپنے ایک بیان میں عید الاضحی کی مبارک باد دیتے ہوئے دعا کی کہ خوشی کا یہ موقع ہمارے معاشرے میں ہم آہنگی اور اتحاد و اتفاق کو مزید مضبوط کرے۔

بھارتی وزیراعظم نریندر مودی نے اپنے پیغام میں لکھا کہ سب خوش اور سلامت رہیں۔

واضح رہے کہ آج پاکستان میں عید الاضحیٰ کا دوسرا روز انتہائی جوش و جذبے سے منایا جارہا ہے، نماز عید کے اجتماعات منعقد ہوئے اور سنت ابراہیمی کی سنت کی پیروی کرتے ہوئے قربانی کا سلسلہ جاری ہے۔