سارہ شریف قتل کیس، حملے کا شکار والد کی طبیعت کے حوالے سے اہم خبر

برطانیہ میں پاکستانی نژاد بچی سارہ شریف کے قاتل باپ پر جیل کے اندر تیز دھار آلے سے حملہ ہوا ہے جس میں وہ زخمی ہوئے تاہم اب حالت بہتری کی جانب گامزن ہے۔

تفصیلات کے مطابق جنوبی لندن کی ایچ ایم پی جیل سے عرفان شریف نامی قیدی کو شدید زخمی حالت میں اسپتال منتقل کیا گیا۔ 

جیل انتظامیہ کے مطابق انھیں کین سے بنائے گئے ایم تیز دھار آلے کی مدد سے زخمی کیا گیا تھا۔ پولیس تفتیش کر رہی ہے کہ حملہ آور کون ہوسکتا ہے۔ 43 سالہ عرفان شریف کی جیل وردی مکمل طور پر ان کے خون سے سرخ ہوچکی تھی۔ گلے پر ایک گہرا زخم تھا جس سے خون رس رہا تھا۔

ڈاکٹرز کے مطابق گردن پر گہرا کٹ لگنے کی وجہ سے عرفان شریف کو زیادہ دن تک اسپتال میں رکھا جاسکتا ہے۔

عرفان شیخ اور اُس کی دوسری بیوی یعنی سارہ کی سوتیلی ماں کو برطانوی عدالت نے قتل کا الزام ثابت ہونے پر عمر قید کی سزا سنائی ہے۔