سعودی شہزادے کا انتقال

ریاض: سعودی عرب میں سعودی شہزادہ محمد بن فہد بن عبد العزیز آل سعود خالق حقیقی سے جا ملے۔

سعودی خبر رساں ادارے کی رپورٹ کے مطابق ایوان شاہی کی جانب سے جاری اعلامیے میں بتایا گیا کہ شہزادہ محمد بن فہد بن عبد العزیز آل سعود دار فانی سے کوچ کرگئے ہیں۔

ایوان شاہی کے اعلامیے کے مطابق شہزادہ محمد بن فہد بن عبد العزیز آل سعود کی نماز جنازہ  کل بدھ کو ریاض کی جامع مسجد امام ترکی بن عبد اللہ میں عصر کی نماز کے بعد ادا کی جائیگی۔

ایوان شاہی نے متوفی کے لیے رحمت و مغفرت اور بلندی درجات کی دعا کی ہے۔