اسرائیل نے شام کی سرزمین سے متعلق اپنا ارادہ ظاہر کردیا

ماسکو: تل ابیب نے شام میں عبوری عمل کے رہنما احمد الشرع کی جانب سے گزشتہ ہفتے اس بات پر زور دینے کے بعد کہ اسرائیل کو جنوب میں اپنی دراندازی بند کرنی چاہیے اپنا تبصرہ کیا ہے۔

میڈیارپورٹس کے مطابق روس میں اسرائیلی سفیر سیمونا گالپرین نے کہا کہ اسرائیل شام میں زمینیں حاصل کرنے کی خواہش نہیں رکھتا۔ انہوں نے انٹرویو دیتے ہوئے مزید کہا کہ اسرائیلی افواج عارضی طور پر سرحدی بفر زون میں موجود ہیں۔

روس میں اسرائیلی سفیر سیمونا گالپرین نے شام کے ساتھ سرحد پر حالیہ علاقائی پیش رفت کو ترک کرنے کے لیے اسرائیلی فریق کی تیاری کا بھی انکشاف کیا۔ انہوں شام کی سرزمین پر کسی بھی اسرائیلی علاقائی عزائم کی عدم موجودگی پر زور دیا۔

 انہوں نے کہا کہ اس کا احساس کرنا ضروری ہے لیکن یہیں سے ہمیں شروع کرنے کی ضرورت ہے۔سیمونا گالپرین نے مزید کہا کہ اس وقت جب بندوق برداروں نے واقعات کے آغاز میں بفر زون اور اقوام متحدہ کی سائٹس پر حملہ کیا تو اسرائیل وہاں سیکورٹی کو یقینی بنانے کے لیے داخل ہوا اور اسرائیل اس بفر زون میں موجود رہا۔

 انہوں نے دعوی کیا کہ یہ جاننا ضروری ہے کہ یہ ایک بہت ہی محدود علاقہ ہے اور اسرائیلی فوجیں صرف عارضی طور پر وہاں موجود ہیں۔انہوں نے دعوی کیا کہ وہ ایک وجہ سے وہاں موجود تھی اور وہ وجہ سیکورٹی کو یقینی بنانا تھا۔