اسرائیل پر حملہ جلد ہونے جارہا ہے، سربراہ حزب اللہ

بیروت: حزب اللہ کے سربراہ حسن نصراللہ نے کہا ہے کہ اسرائیل پر حملہ جلد ہونے جارہا ہے اور  حملے کے وقت سے متعلق بے یقینی اسرائیل کی سزا کا حصہ ہے۔

عرب میڈیا کے مطابق حسن نصراللہ نے ایک بیان میں کہا کہ اسرائیل جنگی طیاروں سے لبنانی فضائی حدود میں سائونڈ بیرئیر توڑ کر خوف پھیلانا چاہتا ہے، ایک بات واضح ہوچکی ہے کہ نیتن یاہو غزہ پٹی میں جنگ بندی نہیں کرنا چاہتا۔

انہوں نے کہا کہ شاید ہم اسرائیل کو اکیلے جواب دیں، شاید پورے مزاحمتی گروپ کے ساتھ مل کر اسرائیل کو جواب دیں گے،  اسرائیل پرہمارا ردعمل آئیگا اور بھرپور آئے گا۔

حسن نصراللہ کا کہنا تھا کہ شمال میں اسرائیل کی کیمیکل اور فوڈ فیکٹریاں آدھے گھنٹے سے بھی کم وقت میں تباہ کرسکتے ہیں ، اسرائیلی حملے  میں کمانڈر فواد شکر کی شہادت سے حزب اللہ کو بڑا نقصان پہنچا۔

اسماعیل ہنیہ کی شہادت سے حماس سمیت حزب اللہ کو بھی دھچکا پہنچا۔دوسری جانب حسن نصراللہ کے بیان کے بعد اسرائیلی قصبوں میں خطرے کے سائرن بج گئے۔