اسرائیلی حملے میں دو لبنانی فوجی ہلاک

بیروت : لبنانی فوج کی طرف سے کہا گیا ہے کہ اسرائیلی حملے کے دوران دو لبنانی فوجی ہلاک ہو گئے۔

میڈیارپورٹس کے مطابق لبنانی فوج نے الزام لگایا کہ اسرائیلی فوج نے جنوبی لبنان میں اس کی پوزیشنوں کو براہ راست ہدف بنایا تھا۔میڈیارپورٹس کے مطابق جنوبی لبنان میں اسرائیلی زمینی حملے کے خلاف حزب اللہ مزاحمت کر رہی ہے۔

 لبنانی فوج کی طرف سے اسرائیلی حملہ آور فوج کو کوئی ایسی رکاوٹ نہیں ہے۔ اس کے باوجود اسرائیل نے دو لبنانی فوجی ہلاک کر دئیے۔

لبنانی فوج کے بیان کے مطابق اسرائیلی دشمن نے ایک فوجی مرکز کو نشانہ بناتے ہوئے حملہ کیا ، جس سے ایک لبنانی فوجی ہلاک اور تین زخمی ہو گئے۔

 ان تین میں سے ایک کی حالت نازک ہے۔ یہ حملہ حسبیہ کے علاقے ماری میں کیا گیا ۔

اس بیان کے کچھ دیر بعد لبنانی فوج نے دوسرے فوجی کی ہلاکت کی اطلاع دینے کے لیے بھی الگ سے ایک بیان جاری کر دیا۔ لبنان کے سرکاری اعداد و شمار کے مطابق ستمبر کے مہینے سے اب تک ایک درجن فوجی ہلاک ہو چکے ہیں۔