طالب علم نے یوٹیوب سے بم بنانے کا طریقہ سیکھ کر ٹیچر کی کرسی دھماکے سے اڑا دی

بھارت میں ٹیچر کی ڈانٹ ڈپٹ سے پریشان آکر طالب علم نے یوٹیوب سے بم بنانے کا طریقہ سیکھا اور پھر ٹیچر کی کرسی کو بم سے اڑا دیا۔

بھارتی میڈیا رپورٹ کے مطابق ریاست ہریانہ میں قائم کالج کے طالب علم نے سائنس ٹیچر کی ناراضی پر بم اُن کی کرسی کے نیچے نصب کیا اور پھر اسے کلاس میں ہی دھماکے سے اڑا دیا۔

بارہویں جماعت کے طالب علم کے ساتھ اُس کے دیگر دوست بھی تھے جنہوں نے سارا طریقہ یوٹیوب سے سیکھا اور پٹاخے نما آلے کی مدد سے کلاس میں دھماکا کیا۔

پولیس کے مطابق ٹیچر کی ڈانٹ ڈپٹ اور سختی پر طالب علموں نے دھماکا خیز ڈیوائس بنانے کا طریقہ یوٹیوب سے سیکھا اور پھر اسے کرسی کے نیچے نصب کر کے ریموٹ کنٹرول سے دھماکا کیا، خوش قسمتی سے ٹیچر کو کوئی نقصان نہیں ہوا۔

بھارتی میڈیا کے مطابق ہریانہ کے محکمہ تعلیم نے سخت کارروائی کرتے ہوئے واقعے میں ملوث 13 طلبہ کو ایک ہفتے کے لیے معطل کر دیا۔ دوسری