تین ماہ میں مسجد نبوی میں 14 لاکھ 86 ہزار عازمین کی آمد، پاکستانی کتنے تھے؟

مسجد نبوی کی انتظامیہ کا کہنا ہے کہ گزشتہ تین ماہ کے دوران پاکستان سے 287,000 زائرین مسجد اور روضہ رسول ﷺ کی زیارت کر چکے ہیں۔

اسلامی سال کی پہلی سہ ماہی کے اعداد و شمار سے پتہ چلتا ہے کہ اس مدت کے دوران مختلف ممالک سے 14 لاکھ 86 ہزار سے زائد زائرین نے مسجد نبوی کا دورہ کیا۔

موجودہ عمرہ سیزن میں 449,696 افراد کے ساتھ انڈونیشیا کے زائرین سب سے آگے ہیں۔پاکستان سے 287,793 عازمین نے اس دوران عمرہ ادا کیا۔ 

 جب کہ ہندوستان، عراق اور بنگلہ دیش نے بالترتیب 179,052، 122,557 اور 76,940 عازمین حج کا حصہ ڈالا۔

انتظامیہ نے اس بات پر زور دیا کہ تمام عازمین کی صحت اور حفاظت کو یقینی بنانے کے لیے وسیع پیمانے پر اقدامات کیے گئے ہیں۔

ان اقدامات کا مقصد عبادت گزاروں کو سہولت فراہم کرنا ہے، جس سے وہ آرام اور عقیدت کے ساتھ اپنی مذہبی ذمہ داریوں کو پورا کر سکیں۔