ایران میں پاکستانی زائرین کی بس کو حادثہ، 32 جاں بحق

سندھ کے ضلع لاڑکانہ سے ایران میں مقدس مقامات کی زیارت کیلیے جانے والے زائرین کی بس کو حادثہ پیش آیا جس میں 32 افراد جاں بحق ہوگئے۔

سید اطہر شاہ شمسی کا قافلہ دو بسوں اور 110 زائرین پر مشتمل تھا، زائرین کی ایک بس ایران کے شہر یزد پہنچی تو مبینہ طور پر بس کے بریک فیل ہو گئے۔

حادثے میں 32 زائرین جاں بحق اور 30 زائرین کے شدید زخمی ہونے کی اطلاعات ہیں۔

ذرائع کے مطابق بس میں سوار زیادہ تر زائرین کا تعلق لاڑکانہ سے ہے۔ زائرین کی دوسری بس گوادر ایران سرحدی پٹی کے علاقے رمدان میں ہے۔

 جو ایرانی شہر یزد میں حادثے کا شکار ہونے والی بدقسمت بس سے چند گھنٹوں کی مسافت پر ہے۔