ایران میں اسرائیل کیلئے جاسوسی کے الزام میں مزید 2 گرفتاریاں

ایران نے اسرائیل کی ایجنسی موساد کیلئے جاسوسی کرنے کے الزام میں مزید 2  افراد کو حراست میں لے لیا ہے۔

ایرانی میڈیا کا اس حوالے سے کہنا ہے کہ ایرانی انٹیلی جنس یونٹ نے صوبے البورز سے دو مبینہ جاسوسوں کو گرفتار کیا جن پر اسرائیل کیلئے کام کرنے کا الزام ہے۔

ایرانی میڈیا کے مطابق گرفتار افراد ایک گھر میں چھپے ہوئے تھے جہاں وہ دھماکا خیز مواد اور دیگر خفیہ الیکٹرانک آلات بنانے میں مصروف تھے۔

ایرانی حکام کا کہنا ہے کہ زیر حراست افراد سے مزید تفصیلات اور اعترافی بیانات جلد جاری کیے جائیں گے۔