ایران نے 370 بیلسٹک میزائل فائر کیے، 24 اسرائیلی ہلاک

اسرائیلی میڈیا نے دعویٰ کیا ہے کہ ایران نے 370 بیلسٹک میزائل فائر کیے جس کے دوران 24 اسرائیلی ہلاک ہوئے۔

اسرائیلی وزیراعظم ہاؤس کی جانب سے جاری اعلامیہ میں تصدیق کی گئی ہے کہ ایران نے گزشتہ چار دنوں کے دوران اسرائیل پر کل 370 بیلسٹک میزائل اور سینکڑوں ڈرون لانچ کیے ہیں۔

ان حملوں میں 24 اسرائیلی ہلاک اور 592 زخمی ہوئے جن میں سے 10 کی حالت تشویشناک ہے۔ بیان میں یہ بھی بتایا گیا کہ ایرانی فضائی حملوں میں 30 اہم مقامات کو نشانہ بنایا گیا ہے۔

دریں اثنا، ایران کی وزارت صحت نے اطلاع دی ہے کہ اسرائیلی حملے میں اب تک 224 ایرانی شہید ہوچکے ہیں۔