بیٹوں نے اپنی والدہ کی دوسری شادی کروادی، تصاویر وائرل

اسلام آباد: سوشل میڈیا پر ایک ایسی خاتون کی دوسری شادی کی دھوم مچی ہوئی ہے، جو کم عمری میں ہی بیوہ ہوگئی تھیں اور اپنے 2بیٹوں کو اکیلے پال کر انہیں جوان کردیا اور ان کی بہترین پرورش کی۔

رپورٹس کے مطابق بیٹوں نے اپنی والدہ کے اکیلے کا احساس کیا اور خود ہی اپنی ماں کی دوسری شادی کروائی اور اسے زندگی کو بھرپور طریقے سے جینے کا ایک اور موقع فراہم کیا۔

سوشل میڈیا پر اس خوبصورت خاندان کی والدہ کے نکاح کے موقع پر کیا گیا فوٹو شوٹ گردش کررہا ہے، جو نہ صرف مثال بن رہا ہے بلکہ لوگوں کو ایک جذباتی پیغام بھی دے رہا ہے کہ اگر کسی بھی وجہ سے والدہ اکیلی پڑ جائے تو اسے بھی نوجوان بیٹے ہونے کے باوجود دوسری شادی کا حق ہے ۔

سوشل میڈیا پر وائرل ہونے والے اس فوٹو شوٹ پر صارفین کی جانب سے بیٹوں کے اس عمل کو سراہا جارہا ہے، جو اپنی ماں کی دوسری شادی پر بیحد جذباتی اور خوش دکھائی دے رہے ہیں۔