کنواری لڑکیوں کیلیے خوشخبری، شادی پر حکومت ایک لاکھ روپے اور قیمتی تحائف دے گی

وزیراعلیٰ پنجاب اور صوبائی کابینہ نے اجتماعی شادیوں کے تاریخی پروگرام کی مںظوری دے دی جس میں دلہن کو ایک لاکھ روپے اور قیمتی تحائف دیے جائیں گے۔

تفصیلات کے مطابق وزیر اعلیٰ پنجاب مریم نواز کی زیر صدارت صوبائی کابینہ کا 17 واں اجلاس ہوا، جس میں صوبے بھر میں 3 ہزار غریب خاندانوں کی بچیوں کی اجتماعی شادیوں کے سب سے بڑے تاریخی پروگرام کی منظوری دی۔

پروگرام کے تحت اجتماعی شادی والی دلہن کو اے ٹی ایم کارڈ کے ذریعے ایک لاکھ روپے سلامی دی جائے گی۔ اس کے علاوہ فرنیچر، ملبوسات، ڈنر سیٹ سمیت استعمال کی13 اشیا بھی تحفے کے طور پر دی جائیں گی۔ 

وزیر اعلیٰ مریم نواز کی اجتماعی شادیوں کا دائر مزید بڑھانے کی ہدایت کی ہے۔