لاپتہ ہونے والی 8 سال کی ذہین بچی اے ٹی ایم کی مدد سے گھر پہنچ گئی، دلچسپ واقعہ

چین میں ایک دلچسپ واقعہ پیش آیا ہے جس میں گمشدہ ذہین بچی اے ٹی ایم کی مدد سے اپنے گھر پہنچ گئی۔

چینی میڈیا کے مطابق صوبے ژینگانگ سے تعلق رکھنے والی 8 سالہ ذہین بچی کوژہو 30 جولائی کو کلاس سے واپس آتے وقت دادا سے بچھڑ گئی تھی۔

کوژہو کو گھر کا پتہ معلوم تھا اور نہ ہی راستے کا اندازہ اس لیے وہ بہت پریشان تھی تاہم اُس نے قریب میں ایک اے ٹی ایم بوتھ دیکھا اور مشین میں لگے سرخ بٹن کو دبا دیا۔

سرخ بٹن دبتے ہی بچی کا رابطہ بینک کے نمائندے سے ہوا جس نے فون اٹھانے والے شخص سے پوچھا کہ کیا آپ کے پاس میرے دادا، یا کسی گھر والے کا نمبر ہے؟۔

کال آفیسر نے واقعے کی حساسیت کا اندازہ لگاتے ہوئے فوری پولیس کو اطلاع دی اور بچی کو پولنگ بوتھ کے باہر کھڑے رہنے کی ہدایت کی۔ تھوڑی دیر میں پولیس نے موقع پر پہنچ کر بچی کو حراست میں لیا اور پھر دادا کو تلاش کر کے پوتی کو اُن کے حوالے کیا۔