اسکول پرنسپل نے اپنے چپراسی سے شادی کرلی، حیران کُن وجہ سامنے آگئی

ملتان میں اپنی نوعیت کا انوکھا واقعہ پیش آیا ہے جہاں ایک اسکول کی پرنسپل نے صرف چائے پیش کرنے کے انداز سے متاثر ہوکر اپنے چپراسی سے شادی کرلی ۔

رپورٹس کے مطابق انوکھے واقعے میں سیکنڈری اسکول کی پرنسپل فرزانہ نے اپنے ہی اسکول کے چپراسی فیاض سے شادی کر لی۔

پرنسپل فرزانہ کا میڈیا سے گفتگو کرتے ہوئے کہنا تھا کہ مجھے فیاض سے محبت اس کے کام کرنے کے انداز اور چائے پیش کرنے کے طریقے سے ہوئی۔ پھر میں نے ہمت کر کے اس کو شادی کی پیشکش کی، جسے اس نے قبول کرلیا۔

یہ شادی علاقے میں خاصی توجہ کا مرکز بن گئی ہے اور لوگ اسے ایک غیر معمولی مگر محبت پر مبنی فیصلہ قرار دے رہے ہیں۔