سمپسنز کارٹون کی ٹرمپ پر حملے کی پیش گوئی، ہلاکت کا اندازہ درست ثابت نہ ہوا

 امریکا نشر ہونے والے کارٹون سپمسنز جس کی کئی پیش گوئیوں کو درست قرار دیا گیا ہے اب اُس کی ایک قسط کا اسکرین شارٹ سامنے آیا جس میں ٹرمپ سے مشابہہ کارٹون کریکٹر پر حملہ اور اُس کی ہلاکت دکھائی گئی ہے۔

دی سپمپسنز کے سامنے آنے والے اسکرین شارٹ میں دکھایا گیا ہے کہ ٹرمپ کا ہمشکل کارٹون کریکٹر مائیک پر خطاب کررہا ہے کہ اسی دوران اُس پر قاتلانہ حملہ ہوتا ہے جس میں زخمی ہوکر وہ مر جاتا ہے۔

انٹرنیٹ صارفین نے اس منظر کو ٹرمپ پر دو روز قبل پنسلونیا میں ہونے والے حملے سے جوڑا جس میں ایک بیس سالہ امریکی حملہ آور نے انتخابی ریلی کے دوران ٹرمپ پر فائرنگ کی اور گولی اُن کے چہرے کو چھو کر گزری تھی۔

انٹرنیٹ صارفین نے سمپسنز کی ایک اور پیشگوئی پوری ہونے پر حیرانی کا اظہار کیا تاہم ٹرمپ کی ہلاکت کی بات پوری نہ ہونے پر کچھ نے مذاق بنایا اور کچھ نے مسرت کا اظہار کیا۔