سستے ترین آئی فون سے لی گئی تصویر نے مقابلہ جیت لیا

اگر قسمت مہربان ہو تو پھر ایک سیکنڈ اور ایک کلک بھی زندگی بنادیتا ہے۔

ایسا ہی ایک واقعہ بھارتی ریاست ہماچل پردیش میں پیش آیا جہاں ایک شخص نے سستے ترین آئی فون سے بنائی گئی تصویر کی بدولت مقابلہ اپنے نام کرلیا اور تیسری پوزیشن حاصل کرلی۔

بھارتی فوٹو گرافر نے ’دی گڈی بوائے اینڈ ہز گوٹ‘ پہاڑوں پر بکری کا بچہ گود میں لیے ایک کم عمر لڑکے کی تصویر کھینچی جو بظاہر تو عام سی ہے مگر ماہرین نے اسے اتنا خاص سمجھا اور پھر تصویر کو تیسرا نمبر دیا۔

فوٹو گرافر نے بتایا کہ یہ تصویر آئی فون ایس ای سے بنائی ہے اور یہ بھارت میں سستا ترین آئی فون ہے جس کے آپریٹنگ سسٹم کو کمپنی نے 2022 سے اپ ڈیٹ تک نہیں کیا ہے۔