عالمی منڈی میں خام تیل کے نرخوں میں اضافہ

سنگاپور: عالمی منڈی میں منگل کو خام تیل کے نرخوں میں اضافہ ریکارڈ کیا گیا۔

عرب ٹی وی کے مطابق کاروباری سرگرمیوں کے دوران برینٹ کروڈ 37 سینٹ ( 0.54فیصد) بڑھ کر فی بیرل 68.52 ڈالر پر پہنچ گیا جبکہ امریکی ویسٹ ٹیکساس انٹرمیڈیٹ 1.01 ڈالر ( 1.58 فیصد) اضافے کے بعد فی بیرل 65.02 ڈالر پر ٹریڈ ہوا۔

رپورٹ کے مطابق یوکرین کے ڈرون حملوں نے روس کی آئل پراسیسنگ صلاحیت کا کم از کم 17 فیصد ( 1.1 ملین بیرل یومیہ) متاثر کیا ہے۔

یوکرینی صدر ولادیمیر زیلنسکی نے کہا کہ روسی توانائی ڈھانچے پر مزید گہرے حملے کیے جائیں گے۔