عوام کیلیے خوشخبری، بجلی کی قیمت مزید کم ہونے کا امکان

بجلی صارفین کے لیے ایک اچھی خبر سامنے آئی ہے کہ آئندہ ماہ بجلی کی قیمتوں میں 65 پیسے فی یونٹ کمی کا امکان ہے۔

سینٹرل پاور پرچیزنگ ایجنسی (CPPA) نے جون کے مہینے کے لیے فیول پرائس ایڈجسٹمنٹ (FPA) کی درخواست نیشنل الیکٹرک پاور ریگولیٹری اتھارٹی (NEPRA) میں جمع کرا دی ہے، جس میں بجلی کی فی یونٹ قیمت میں 65 پیسے کمی کی استدعا کی گئی ہے۔

نیپرا  اس درخواست پر 30 جولائی کو سماعت کرے گا اور منظوری کی صورت میں اس کمی کا اطلاق صارفین کے بجلی بلوں پر کیا جائے گا۔

تاہم، یہ واضح رہے کہ اس کمی کا اطلاق لائف لائن صارفین (وہ صارفین جو بہت کم بجلی استعمال کرتے ہیں اور انہیں سبسڈی دی جاتی ہے) اور کراچی کے بجلی صارفین پر اسکا اطلاق نہیں ہوگا۔

کراچی کے بجلی صارفین کے لیے قیمتیں کے-الیکٹرک کے علیحدہ ٹیرف کے تحت مقرر کی جاتی ہیں۔